ថ្ងៃសៅរ៍ ទី០៧ ខែធ្នូ ឆ្នាំ២០១៩
គេហទំព័រ សេដ្ឋកិច្ចជាតិ ទំនាក់ទំនងចាងហ្វាងការផ្សាយលោក ប៉ាល់ សៅជាតិ លេខទំនាក់ទំនង 077 42 46 48
សង្វៀនជល់មាន់លួចលាក់មួយកន្លែង នៅសង្កាត់ស្ទឹងមានជយ័៣ត្រូវបានបង្ក្រាបហើយ
Fri,25 October 2019 (Time 06:12 PM)
ដោយ ៖ សហការី (ចំនួនអ្នកអាន: 54នាក់)

ភ្នំពេញ ៖ សង្វៀនជល់មាន់មួយកន្លែងស្ថិតនៅចំណុចសេះសរដើមកាស្យាជាប់និងរបងកាណាឌីយ៉ា សង្កាត់ស្ទឹងមានជយ័៣ ខណ្ឌមានជយ័ រាជធានីភ្នំពេញដែលគេបានស្គាល់ឈ្មោះ គីសាន់ ឈ្មោះម៉ាប់ត្រូវបានកម្លាំងប៉ុស្តិ៍ស្ទឹងមានជ័យ៣ សហការណ៍និងសាលាសង្កាត់ អធិការដ្ឋាននគរបាលខណ្ឌមានជ័យ បានចុះបង្រ្កាបហើយ។ទីតាំងលួចលេងល្បែងស៊ីសងខុសច្បាប់ជល់មាន់ដែលតែងតែលួចឆ្មក់បើកលេងនៅក្នុងព្រៃស្ងាត់ជាប់នឹងរបងកាណាឌីយ៉ា សង្កាត់ស្ទឹងមានជ័យ៣ ខណ្ឌមានជ័យ ដែលជាប់នឹងព្រំុប្រទល់ខណ្ឌពោធិ៍សែនជ័យ ការពីរសៀលថ្ងៃទី២៤ខៃតុលាឆ្នាំ២០១៩ម្សិលមុិញនេះ។
លោក ឯម ភារី នាយប៉ុស្តិ៍នគរបាលរដ្ឋបាលស្ទឹងមានជ័យ៣ បានឲ្យដឹងថា៖ ទីតាំងជល់មាន់ខាងលើនេះពីមុនមកពិតជាមានសង្វៀនជល់មាន់ដ៏ធំមែន តែមកដល់ពេលបច្ចុប្បន្ននេះមិនមានបើកលេងធំដូចកាលពីមុននោះទេ ផ្ទុយទៅវិញក្រុមអ្នកញៀនល្បែងទាំងនោះតែងតែណាត់គ្នាលួចឆ្មក់លេងម្តងម្កាល់តែប៉ុណ្ណោះ។ ដោយមានអ្នកសារព័ត៌មានមួយចំនួនបានយករូបភាពចាស់ៗមកបង្ហោះតៗគ្នាចែកចាយនៅលើប្រព័ន្ធផ្សព្វផ្សាយ លោក ឯម ភារី ក៏បានដឹកនាំកម្លាំងចុះទៅពិនិត្យមើលភ្លាមៗ តែពួកក្រុមលេងល្បែងទាំងនោះហាក់បីដូចដឹងក្លិនជាមុនក៍នាំគ្នារត់គេចអស់ដោយបន្សល់ទុកនៅស្តង់ និងសំភារៈមួយចំនួន។ លោកបានបន្តទៀតថាទីតាំងខាងនេះមានភាពស្មុកស្មាញបន្តិច ហើយសុទ្ធតែព្រៃជាប់នឹងព្រំុប្រទល់ខណ្ឌពោធិ៍ជ័យទៀត។
សូមបញ្ជាក់ថា ទីតាំងខាងលើនេះ កន្លងមកសមត្ថកិច្ចធ្លាប់បានចុះបង្រ្កាបដែរតែក្រុមអ្នកលេងទាំងនោះនៅតែលួចលាក់លេងជាដដែល។
ទោះបីជាមានការលួចលាក់បើកលេងល្បែងស៊ីសងខុសច្បាប់ពីសំណាក់ក្រុមអ្នកញៀនល្បែងទាំងនោះយ៉ាងណាក៏ដោយ លោក ឯម ភារី នាយប៉ុស្តិ៍នគរបាលស្ទឹងមានជ័យ៣ នឹងចុះបង្រ្កាបប្រសិនបើជានៅមានការបន្តលួចបើកលេងទៀត។